చేపల కుంటల్లో నిమజ్జనం చేస్తే.. అందులోనే దూకి చస్తాం.!
ప్రొద్దుటూరు: గణేష్ విగ్రహాల నిమజ్జనం పెద్దశెట్టిపల్లె చేపల పెంపకం కుంటల్లో నిర్వహించడంపై అక్కడి చేపల పెంపకం దారులు జమ్మయ్య తదితరులు బుధవారం అభ్యంతరం వ్యక్తం చేశారు. 7 ఎకరాలను 5 మంది యాజమానుల నుంచి లీజుకు తీసుకొని, చేపల పెంపకం చేపట్టామన్నారు. ప్లాస్టర్ ఆఫ్ పారిస్ కెమికల్స్ వల్ల చేపలు చనిపోతాయని మున్సిపల్ కమిషనర్ వద్ద వారు చెప్పుకున్నారు. ఆయన కనికరించ పోవడంతో చేపల కుంటలోనే తాము చేస్తామని ఆవేదన వ్యక్తం చేశారు.
*గతంలో కామనూరు, అన్నవరం కుందూ బ్రిడ్జిల వద్ద నిమజ్జనం నిర్వహించారు. ఈసారి కూడా అక్కడే చేయాలని పోలీస్, ఫైర్, ఎలక్ట్రిసిటీ, R&B అధికారులు ముందుగా భావించారు. అక్కడ ఏర్పాట్లను పరిశీలించారు. కాగా.. మున్సిపల్ కమిషనర్ మాత్రం జమ్మలమడుగు రోడ్డులోని పెద్దశెట్టిపల్లె గనిగుంతల్లో(చేపల పెంపకం గుంతల్లో) నిమజ్జనం చేయాలని ప్రతిపాదించారు. దీనిపై అక్కడి చేపల పెంపకం దారులు, స్థానికులు, విద్యాసంస్థల యాజమాన్యం, ఇతర శాఖల అధికారులు అభ్యంతరం వ్యక్తం చేస్తున్నారు. రాత్రి పూట లైటింగ్, ట్రాఫిక్ నియంత్రణ, పార్కింగ్ కస్టమంటున్నారు.
